عجبتنا فكرة الزراعة وحبينا نجرب زراعة الاسطح و اتحمسنا   بس للأسف مقدرناش نجيب حتى اصيص عشان نزرع فيه قعدنا نجيب علب بلاستيك و ازايز قديمة ونخرمها من تحت ونجيب رمل وطين من الشارع والحقيقة كانت تجربة صعبة ونتايجها كانت مأساوية مجهود و موارد تم اهدارها , فكرنا ودورنا ووصلنا للحل

هنوفر على غيرنا مجهود اللف والدوران و اختيار المواد اللى هيستخدمها في الزراعة (أسمدة-بذور-تربة زراعية)وقررنا نعرضها عن طريق موقع الكتروني لتسهيل عملية شحن المنتجات وفعلا انشأنا الموقع سنة 2016 وابتدينا بالانتشار والناس تعرفنا وتعجب بالفكرة وحققنا نتايج جميلة مع العملاء اللى وثقوا فينا

في اللى نجح نجاح باهر وفى اللى جاله احباط وتعب من المحاولة بس في الاخر اللى كمل هو اللى كسب وبقى عنده اجمل حاجة ممكن الواحد يقتنيها نباتات جميلة حواليه بتنبض بالحياة وبتسبح ربنا و جو مليان اكسجين

احنا حلينا المشكلة دى في توفير المستلزمات العالية الجودة و انشاء قاعدة معلومات بحيث يبقى معاك العلم والمواد اللى هتساعدك تنجح نتمنى من الله التوفيق لينا كلنا واننا نقدر ندخل على قلوبكوا البهجة والسرور